அழகான தங்க நகைகளை வாங்க விரும்புகிறீர்களா, ஆனால் அதற்கான முழுத் தொகையும் உங்கள் கையில் இல்லையா?

நாடளாவிய ரீதியில் உள்ள 200 க்கும் மேற்பட்ட பதிவுசெய்யப்பட்ட நகைக்கடை பங்காளர்களின் வலைப்பின்னல் மூலம், புதிய தங்க நகைகளை வாங்கும்போதே முழுத் தொகையையும் செலுத்த வேண்டிய அவசியமின்றி அவற்றை கொள்வனவு செய்வதை MI Finance இப்போது எளிதாக்கியுள்ளது. நீங்கள் விரும்பும் நகையைத் தேர்ந்தெடுத்து முற்பணம் செலுத்தினால் போதும்; மீதமுள்ள தொகைக்கு MI Finance மிகக் குறைந்த வட்டி விகிதத்தில் நிதியுதவி வழங்கும். அதன்பின்னர், பெற்றுக்கொண்ட தொகையை வசதியான மாதாந்த தவணைகள் மூலமாக நீங்கள் மீள் செலுத்தலாம்.

திருமணம், நிச்சயதார்த்தம் அல்லது குழந்தை பிறப்பு போன்ற விசேட நிகழ்வுகளுக்காவோ அல்லது நீண்ட கால முதலீடாகவோ நீங்கள் நகைகளை வாங்க விரும்பினால், 'ரன் சீட்டு'(Ran Seettu) உங்களுக்கு தங்கம் வாங்குவதற்கு எளிய, பாதுகாப்பான மற்றும் மலிவான ஒரு வழியை வழங்குகிறது.

இது செயல்படும் விதம்

படிமுறை 1

1. நாடளாவிய ரீதியில் 90 க்கும் மேற்பட்ட கிளைகளைக் கொண்டுள்ள MI Finance இன் அருகிலுள்ள கிளைக்குச் சென்று, தங்கக் கடன் அதிகாரியைச் சந்திக்கவும், எங்கள் 200 க்கும் மேற்பட்ட பதிவுசெய்யப்பட்ட நகைக்கடைப் பங்காளிகளில் ஒருவரைத் நீங்கள் தேர்ந்தெடுப்பதில் அவர் உங்களுக்கு உதவுவார்.

2. அதன்பின்னர், உங்கள் தங்கக் கடன் அதிகாரி உங்களை நீங்கள் தேர்ந்தெடுத்த நகை விற்பனையாளரிடம் அழைத்துச் செல்வார், அங்கு நீங்கள் வாங்க விரும்பும் தங்க நகைகளைத் தெரிவு செய்து கொள்ளலாம்.

படிமுறை 2

1. நீங்கள் விரும்பிய நகைகளைத் தேர்ந்தெடுத்த பின்னர், எங்களுடைய அனுபவம் வாய்ந்த தங்கக் கடன் அதிகாரி ஒருவர் அதன் பெறுமதியை மதிப்பீடு செய்வார்.

2. MI Finance, தங்கத்தின் பெறுமதியிடப்பட்ட மதிப்பில் 70% வரை நிதியுதவி அளிக்கும் (நகை விற்பனையாளர் விதிக்கும் கூடுதல் கட்டணங்கள் ஏதேனும் இருப்பின் அவை இதில் அடங்காது); மீதமுள்ள 30% தொகையை வாடிக்கையாளர் முன்கூட்டியே செலுத்த வேண்டும்.

3. நிதி உதவி பெறப்பட்ட தொகையானது 12 முதல் 24 மாதங்களுக்கான தவணைத் திட்டமாக மாற்றப்படும், இதன் மூலம் நுகர்வோர் வசதியான மாதாந்த தவணைகள் ஊடாக அதனை மீள் செலுத்த முடியும்.

4. நீங்கள் வாங்கிய நகைகளுக்கான கடன் தொகையானது முழுமையாக மீள் செலுத்தி முடிக்கப்படும் வரை MI Finance இனால் பிணையமாகப் பாதுகாப்பாக வைத்திருக்கப்படும்.

படிமுறை 3 

அதற்கான நடைமுறைகள் முழுமையாக நிறைவடைந்ததும், உங்கள் நகைகள் உங்களிடம் ஒப்படைக்கப்படும், இதன் மூலம் நீங்கள் வாங்கிய அந்த பெறுமதிமிக்க நகைகளை மகிழ்ச்சியுடன் பயன்படுத்தலாம்.

ரான் சீட்டுவை ஏன் தேர்ந்தெடுக்க வேண்டும்?

• மொத்த பெறுமதியினையும் முன்கூட்டியே செலுத்தாமல், நீங்கள் விரும்பும் தங்க நகைகளை சொந்தமாக்கிக் கொள்ளுங்கள்.
• 24 மாதங்கள் வரையிலான, கட்டுப்படியாகக்கூடிய மாதாந்த தவணை வசதிகள்.
• எளிமையான மற்றும் சிரமமற்ற ஆவண செயல்முறை.
• நாடு முழுவதும் உள்ள 200 க்கும் மேற்பட்ட பதிவுசெய்யப்பட்ட நகைக்கடை பங்காளர்களின் வலைபின்னல் மூலம் பல்வேறு வகையான தங்க நகைகளை பற்றி தெரிந்துகொள்ளுங்கள்.

*நிபந்தனைகளுக்கு உட்பட்டது

ரன் சீட்டு – அடிக்கடி கேட்கப்படும் கேள்விகள் (FAQs)

1. ரன் சீட்டு என்றால் என்ன?

ரன் சீட்டு என்பது MI Finance வழங்கும் ஒரு நிதித் தீர்வாகும், இது வாடிக்கையாளர்கள் புதிய தங்க நகைகளை வாங்கும்போதே முழுத் தொகையையும் செலுத்த வேண்டிய அவசியமின்றி, எங்கள் பதிவுசெய்யப்பட்ட நகைக்கடை பங்காளர்கள் மூலம் அவற்றை வாங்க உதவுகிறது. வாடிக்கையாளர்கள் ஆரம்பக் கட்டணத்தைச் செலுத்துகின்றனர், மீதமுள்ள தொகையை MI Finance நிறுவனம் வழங்குகிறது, அதனை வசதியான மாதாந்த தவணைகள் மூலம் மீள் செலுத்தலாம்.

2. ரன் சீட்டு எவ்வாறு செயல்படுகிறது?

வாடிக்கையாளர்கள் முதலில் MI Finance கிளையை அணுகி தங்கக் கடன் அதிகாரியைச் சந்திக்கின்றனர், அவர் அவர்களை பதிவுசெய்யப்பட்ட நகை வணிகப் பங்காளர்களிடம் அழைத்துச் செல்கிறார். விருப்பமான நகையை தேர்ந்தெடுத்த பின்னர் MI Finance அதன் தகுதியான தங்கத்தின் பெறுமதியை மதிப்பிட்டு, அந்த மதிப்பில் 70% வரை நிதியுதவி வழங்குகிறது (நகை விற்பனையாளரால் விதிக்கப்படும் கூடுதல் கட்டணங்கள் ஏதேனும் இருப்பின், அவை இதில் சேர்க்கப்படாது).

3. வாடிக்கையாளர்கள் எந்தவொரு நகைக்கடையிலிருந்தும் நகைகளை வாங்க முடியுமா?

இல்லை. இலங்கை முழுவதும் உள்ள MI Finance இன் 200 க்கும் மேற்பட்ட பதிவுசெய்யப்பட்ட நகைக்கடைப் பங்காளர்களின் வலையமைப்பு மூலமாக மட்டுமே ரன் சீட்டு திட்டம் கிடைக்கிறது.

4. ஒரு வாடிக்கையாளர் எவ்வளவு நிதியுதவியைப் பெற முடியும்?

MI Finance, தேர்ந்தெடுக்கப்பட்ட நகைகளின் பெறுமதியிடப்பட்ட தங்க மதிப்பில் 70% வரை நிதியுதவி அளிக்கிறது. நிதித் தொகையானது நகையின் தங்கத்தின் தூய்மை (கரட்), நிகர தங்க எடை மற்றும் தங்கத்தின் தற்போதைய சந்தை மதிப்பு ஆகியவற்றின் அடிப்படையில் தீர்மானிக்கப்படுகிறது; இதில் நகை விற்பனையாளர் விதிக்கும் செய்கூலி அல்லது பிற கட்டணங்கள் சேர்க்கப்படுவதில்லை.

5. வாடிக்கையாளர் முன்பணமாக எவ்வளவு தொகையைச் செலுத்த வேண்டும்?

MI Finance மூலம் நிதியுதவி அளிக்கப்படாத தொகையையும், அத்துடன் நகை விற்பனையாளர் விதிக்கும் தயாரிப்புக் கட்டணம் மற்றும் பிற பொருந்தக்கூடிய கட்டணங்களையும் வாடிக்கையாளர் செலுத்த வேண்டும். இந்தப் பணம் நேரடியாக நகை விற்பனை பங்காளருக்கு செலுத்தப்படுகிறது,

6. வாடிக்கையாளர் நகையை உடனடியாகப் பெறுவாரா?

இல்லை. 'ரன் சீட்டு' திட்டத்தின் கீழ் வாங்கப்பட்ட நகைகள், அதற்கான கடன் தொகை முழுமையாகத் மீள் செலுத்தப்படும் வரை, பிணையமாக MI Finance நிறுவனத்தின் பாதுகாப்பாக வைக்கப்பட்டிருக்கும்.

7. மீள்செலுத்தும் காலம் எவ்வளவு?

அங்கீகரிக்கப்பட்ட மீள் செலுத்தும் விதிமுறைகளுக்கு உட்பட்டு, நிதியுதவி அளிக்கப்பட்ட தொகையை 12 முதல் 24 மாத காலத்திற்குள் வசதியான மாதாந்த தவணைகள் மூலம் மீள் செலுத்தலாம்.

8. வாடிக்கையாளரிடம் நகைகள் எவ்வாறு ஒப்படைக்கப்படுகின்றன?

நிலுவையில் உள்ள அனைத்துத் தவணைகள் மற்றும் பொருந்தக்கூடிய கட்டணங்கள் உட்பட, வாடிக்கையாளர் இத்திட்டத்திற்கான தொகையை முழுமையாகச் செலுத்திய பிறகு, MI Finance அந்த நகையை வாடிக்கையாளரிடம் ஒப்படைக்கும்.

9. ரன் சீட்டின் முக்கிய நன்மைகள் என்ன?

• முழு தொகையையும் பணமாக செலுத்தாமலேயே புதிய தங்க நகைகளை வாங்க முடியும்.
• மதிப்பீடு செய்யப்பட்ட தங்கத்தின் மதிப்பில் 70% வரை நிதியுதவி பெற்றுக்கொள்ள முடியும்.
• 24 மாதங்கள் வரையிலான வசதியான மாதத் தவணைகள்.
• இலங்கை முழுவதும் உள்ள 200 க்கும் மேற்பட்ட பதிவுசெய்யப்பட்ட நகைக்கடைப் பங்காளர்களின் சேவையைப் பெறும் வசதி.
• முழு செயல்முறையின் போதும் அனுபவம் வாய்ந்த MI Finance தங்கக் கடன் அதிகாரிகளிடமிருந்து வழிகாட்டுதல்.

10. ஒப்புக்கொள்ளப்பட்ட மீள் செலுத்தும் காலத்திற்கு முன்னதாகவே வாடிக்கையாளர் இந்த வசதியைத் தீர்த்துக்கொள்ள முடியுமா?

ஆம். MI Finance இன் நடைமுறையிலுள்ள விதிமுறைகள் மற்றும் நிபந்தனைகளுக்கு உட்பட்டு, வாடிக்கையாளர்களினால் ஒப்புக்கொள்ளப்பட்ட மீள் செலுத்தும் காலக்கெடு முடிவதற்கு முன்பே நிலுவைத் தொகையைச் செலுத்தலாம்.